നിദ്ര

കുറിച്ചിട്ടതൊക്കെയും 

തെറ്റായ്കയാൽ 

ഞാൻ വീണ്ടും 

ചിന്തിച്ചു -നിദ്ര!

നിദ്രയാണേറ്റം നല്ലതെന്നാരോ 

പറഞ്ഞ നിമിഷം ഞാനും ചിന്തിച്ചു :

ഉരുണ്ടുരുളുന്ന ലോകത്തെയറിയാതെ 

ചതിയുടെ ചിതകളെ കാണാതെ 

ഒരല്പനേരം ഞാനുമുറങ്ങട്ടെ ;

ശാന്തതയുടെ മടിത്തട്ടിൽ വിശ്രമിക്കട്ടെ.

കഥകളറിയാതെ കവിതയെഴുതാതെ 

മന്ദമെൻ മനതാരും മയങ്ങിടട്ടെ.

സ്വപ്നങ്ങളിൽ ആരും വരികവേണ്ട  

'ലോകത്തെ വരച്ചുകാണിക്കാനാണെങ്കിൽ'...!